HASIERA

Ez dago etxea teilatutik hasita eraikitzerik, eta argi dago ezinezkoa zaigula etxebizitzarik eraikitzea lurzorurik ez badaukagu. Izan ere, lurzoru-premia eta lurzoruaren erabilgarritasuna da etxebizitzaren merkatuan ageri zaigun interferentzia-faktore nagusietako bat. Hori dela-eta, jardun irmo eta zuzenekoa behar dugu, beharrezko lehengaia lortzeko gure gizarteak eskatzen dituen etxebizitza babestuak sortze aldera. Orubide dugu helburu hori lortzeko tresna egokia.

Euskal Autonomia Erkidegoko bizitegi-lurzoruko operadore nagusia izateko sortu zen Orubide, lurzorua agente publiko eta pribatuei baldintza onetan eskainiz etxebizitza sozialeko —batez ere– eta etxebizitza libreko —lurzoru mistoetan— gabeziak betetzeko arrazoizko kostuetan, dela aldez aurretik lurzoruak eskuratuta, dela lurzoruaren jabeen konturako jarduera urbanizatzailea kudeatuz soilik.

INFORMAZIO GEHIAGO

Bestalde, hori eskatzen duten herri-administrazioei —txikiak direlako, bitarteko tekniko egokiak edo espezializatuak ez dituztelako— lagundu eta aholkatu nahi die sozietateak etxebizitzarako bizitegi-lurzoruaren eskuraketaren, kudeaketaren, planeamenduaren eta urbanizazioaren alorrean..

Faktore horiek kontuan izanda, eragile garrantzitsua dugu Orubide etxebizitza arrazoizko eta orekatuaren merkatua lortzeko. Lurzoru-sozietate horren lana oso beharrezkoa du etxebizitza babestuak, izan ere, lurzoruan oinarritzen baitira herritar guztiek duten oinarrizko eskubide baten zimenduak.

INFORMAZIOA EZKUTATU